資料文章

不服誓不妥協 寧願光榮結業

鍾生從事公屋小商戶已有大半生,鍾生表示:「早年我一家在石硤尾木屋區居住,屋企主要經營雜貨及百貨業約有四十四年,以前每月租金約六百元,因為政府清拆木屋,將我哋搬去慈雲山徙置區十六座,現在叫慈樂邨,果時租金好便宜,在屋邨做生意很穩定,只要你肯做肯捱,便可以揾到兩餐。」

鍾生在去年一個發佈會上,心感不憤表示:「我係鳳德邨商場經營十七年成衣百貨,最高峰期租金交二萬幾,零三年沙士後,一直要交九千六。零六年六月租約到期,領匯加我租金五百元,簽了暫時合約半年,之後每個月逐次簽約,經過兩個月後,佢話同我無租約,你可以走,我租俾其他人。今日領匯為賺錢用欺騙手法清洗我哋小商戶,佢話有人肯俾幾萬蚊租我個舖,你肯唔肯俾?商場裡面已經有百佳、麥當奴,大家樂、日本城、聖安娜,剩番唔夠十間以前房署年代小商戶,點解領匯係要剔走我哋?佢話商場要重組,我賣嘅嘢應該落下面街市舖,要我去啲死角位!」

令鍾生最不滿是領匯不理他散貨的安排:「我十七年來經營心機同成本化為烏有。領匯只係俾兩個月我散貨,夏天賣冬天嘢,廿蚊件褸都無人要,幾悽涼呀!今年我已經六十歲,可以做啲乜嘢?今日慘況係領匯俾我哋,房委會俾唔到我哋。」他最後選擇光榮結業,不再被領匯玩弄於手掌之中。

About linkwatch

No information is provided by the author.

Comments Closed

Comments are closed. You will not be able to post a comment in this post.