資料文章

堅持原則 絕不回頭

馮女士因零三年政府不斷鼓勵中年人士創業的社會環境下,投身於樂富乾貨街市經營家庭用品及飾物,並加入小商戶行列。由於沙士肆虐,市面一片愁雲慘霧,馮女士咬實牙根撐下去,她表示:「我哋埋班中年婦女最慘,出面嫌你年紀大,我哋學歷唔高,點樣揾嘢做?頭家又要兼顧,一家幾口都要食!雖然我個舖位唔好,街市環境又差,但因為當時房署經理肯同我哋小商戶有商有量,佢當時收我四千蚊租金,我雖然辛苦都尚可頂得住。我係樂富守咗幾年先有一班熟客,到零四年十二月再同房署續租一年,加咗三百元租金。但過度到領匯接管,一切都唔同晒,大約零六年底聽到領匯要將街市翻新,大家商戶好擔心,不斷要求領匯向我哋交待前景,但領匯完全唔理我哋。」

馮女士繼續說:「樂富街市商戶各有不同想法,根本好難團結一齊向領匯爭取。始終我覺得房署管理得好,最緊要係房署都係有商有量,但係領匯從來唔肯同商戶傾,以一個強者自居,我鐘意租俾你,就租俾你,唔租俾你,就要你走。根本唔係睇成大家係唇齒相依,我有個場我租俾你,你有得做我有租收。」

「事實上我哋小商戶透過議員的協助同領匯開會,領匯話:『保證盡量安排,所有商戶絕對唔會趕走。』」馮女士慨嘆說:「但街市翻新後,租金加到萬幾蚊,而家經濟環境咁差,你話小商戶點捱,而家入陸續有小商戶捱唔到執笠。兩年前,我決定離開領匯,選擇係無錯,而家係私人商場起碼都有得傾!」馮女士表示:「領匯為賺錢,不會理會小商戶和居民的需要。多樣性社區互助共生的生態已不復在,有的只是大型連鎖店充斥在我們社區中,居民再必無選擇了!」

About linkwatch

No information is provided by the author.

Comments Closed

Comments are closed. You will not be able to post a comment in this post.